3/10/14

ഓളോട് പറഞ്ഞിനാ

It happens only in my life
തീരയും തീരവും പോലെ പിടിവിട്ടുപോയ
ഓരോപ്രേമത്തിലും
കുറച്ചുകൂടി വെറൈറ്റിയാവട്ടെയെന്നുനിനച്ച്
ഇത്തവണ കോമ്പിനേഷന്റെ കളിയാണു മച്ചൂ,
Can't screw me this time, damn it
മീൻ കറിയും ജ്യൂസും പോലെ
ചായയും മുന്തിരിയും പോലെ
പായസവും പച്ചവെള്ളവും പോലെ,


നമുക്കിടയിൽ മൌനത്തിനോട് ഒരു ഘോഷയാത്ര നടത്താൻ പറഞ്ഞിട്ടുണ്ടോ
ബാനറുകളോ പ്ലക്കാർഡുകളോ ഇല്ലാതെ,
മുദ്രാവാക്യമോ മുറവിളിയോ ഇല്ലാതെ,
എങ്ങോട്ടേക്കെന്നോ എവിടെനിന്നെന്നോ അറിയാതെ,
നിങ്ങളില്ലാതെ എന്താഘോഷം എന്നാണോ മൌനമേ.

മിണ്ടാട്ടമേ, നീയീപ്പെണ്ണിന്റെ ആട്ടക്കഥയാണ്;
ഉറങ്ങുമ്പോൾ കഥമാറിപ്പോന്നൊരുകഥകളി
നളചരിതം നാലുദിവസം കൊണ്ടുതീരുമെന്നാരുപറഞ്ഞു.
 

അവളോടതുപറയാനൊരുമ്പെടുന്നു:

വാക്കുകളെല്ലാം കുളിച്ചൊരുങ്ങുന്നു
പരിമളം പൂശുന്നു,
ആരെങ്കിലും കണ്ടാലുമൊട്ടിഷ്ടം തോന്നണമല്ലോ.
നാളെ വ്യാഴാഴ്ച്ച,
പിന്നെ വെള്ളിയാഴ്ച്ച,
ഈ ആഴ്ച്ച അവസാനിച്ചാലും,
നാളെയും കണ്ടാൽ നീ ആഴ്ച്ചയായിത്തന്നെവരണേ;
ഞാനിതുവരെ അതുപറഞ്ഞില്ലെന്റെ വേണൂനാഗവള്ളീ

ഞാനൊരു തമാശ പറഞ്ഞതാണെന്നേ,
കേൾക്കുന്നവർക്ക് തമാശയാണെന്നു തോന്നാത്ത തമാശ.
എന്താ, അങ്ങനെയൊരു തമാശയില്ലേ,
എന്റെ പേര് തളത്തിൽ ദിനേശൻ എന്നല്ല പിന്നെ.


ഞാൻ അരി
നീ ഉഴുന്നും,
നമുക്ക് വെള്ളത്തിൽച്ചാടാം,
എന്നിട്ട് അമ്മിക്കല്ലിൽ ചുറ്റി സിനിമാപ്പാട്ടുമൂളാം
അപ്പോളൊരു ഫാസ്റ്റ് നമ്പർ വരും,
നമ്മളരഞ്ഞില്ലാതാവും,
ഓരോ ദോശയിലും ഒരു സിനിമാപ്പാട്ടും പ്രണയവും ത്യാഗവുമുണ്ട്
അവൾക്ക് മസാലദോശ വലിയ ഇഷ്ടമാണ്,
മസാലയും ദോശയും തമ്മിൽ കെട്ടിപിടിച്ചിരിക്കുന്നത് കൊണ്ട്,
ഒരു വിവാഹേതരം മാത്രമിതിൽ കാണരുതനിയാ കാണരുത്
( നിനക്കൊക്കെ അമ്മേം പെങ്ങന്മാരുമില്ലേ)

പുരുഷുവേട്ടന്റെ ദോശതിന്ന്,
എട്ടുമണിയുടെ റാണിറോഡ് വേയ്സ് പാഞ്ഞുപോവുമ്പോൾ,
തിങ്ങിനിറയുന്ന ബസ്സിലാക്കിളി കേറിയെന്നു വിസിലിട്ട കിളീ,
പച്ചവെള്ളത്തിൽ സ്റ്റാർട്ടാവുന്ന എൻജിനുണ്ടോ രാമർപിള്ളേ,
ഈ ബൈക്കിതെന്താ സ്റ്റാർട്ടാവാത്തത്.

പോസ്റ്റായിപ്പോയ ആ ബസ് സ്റ്റോപ്പിൽ,
ലൌ ഗുരു പൾസറിൽ പാഞ്ഞെത്തി,
ബസ്സിറങ്ങിനടക്കുന്ന മൌനമേ,
നിന്റെ ഘോഷയാത്രയെ എനിക്കു ഘരാവോ ചെയ്യണം.
അതിനുമുമ്പേ,
ഒരു വെള്ളിരൂപായിട്ട്,
അഞ്ചുരൂപാടെ മെഴുകുതിരി കത്തിച്ച്
ഒന്നുമുട്ടിന്മേൽ കുരിശുവരച്ചോട്ടെ

മിശിഹായുടേ സ്നേഹിതനും വിശ്വസ്ത ദാസനുമായ വിശുദ്ധ യൂദാശ്ലീഹായേ (പ്രേമിക്കാനായും പ്രേമം മൂലവും) ഏറ്റവും കഷ്ടപ്പെടുന്ന എനിക്കു വേണ്ടി അപേക്ഷിക്കേണമേ. യാതൊരു സഹായവും ഫലസിദ്ധിയുമില്ലാതെ വരുന്ന സന്ദർഭത്തിലും ഏറ്റവും ത്വരിതവും ഗോചരവുമായ സഹായം ചെയ്യുന്നതിന് അങ്ങേയ്ക്ക് വിശേഷവിധിയായി കിട്ടിയിരിക്കുന്ന അനുഗ്രഹത്തെ അങ്ങ് ഉപയോഗിക്കണമേ. എന്റെ എല്ലാ ആവശ്യങ്ങളും വിശിഷ്യാ ( ഫേസ്ബുക്കും വാട്സാപ്പുമില്ലാത്ത ഒരു ലോകത്തിൽ ) അങ്ങേ സഹായം അപേക്ഷിക്കുന്നു.
എന്നിട്ടെല്ലാർക്കുമറിയണം;

dude, നിന്റെ മനസ്സിലും പൊട്ടിയോ ആ ലഡു

3 comments:

അനില്‍@ബ്ലോഗ് // anil said...

കൊള്ളാം..
ഒരുപാട് കാലമായി ബ്ലോഗിലേക്ക് കയറിയിട്ട്.

Priyan Alex Rebello said...

നന്ദി സുഹൃത്തേ..വീണ്ടും വരിക

chinchu rosa said...

പ്രിയന്‍ കവിത എന്ന് വ്യക്തമായി അറിയാം