കാട് - ഇറങ്ങിവരുന്നു

കാട് - ഏകാന്തതയുടെ ആൾക്കൂട്ടം 

ഒച്ചകൊണ്ടുമുറിക്കപ്പെട്ട ഭൂപടം 

കാട്- പിന്തുടർന്നെത്തുന്ന ആനക്കൂട്ടം

നിലാവുകൊണ്ടരിഞ്ഞെടുത്ത കരിമുകിൽക്കാനനം

കരിമ്പാറക്കൂട്ടം 

ഓർമ്മകൾകൊണ്ടതിരിടുന്ന 

കാട്ടാറിന്റെ ഒഴുക്കുകൾ , വഴുക്കലുകൾ.

പൊടുന്നനെ  

ഒരു കൂട്ടം പച്ചിലകളുടെ ചിഹ്നം വിളി.

പ്രേതപാദുകങ്ങളണിഞ്ഞ പർവതങ്ങളുടെ പദചലനം .

 ഒരു യാനം പോലെ 

നിഴലുവീണ പകലിൽ, ശാന്തമായ് 

കാട് ഇറങ്ങിപ്പോവുന്നു ,

പഴകിയ ഒരു പ്രാർത്ഥനപ്പറച്ചിൽപ്പോലെ ഇരുട്ടിൽ ഇഴഞ്ഞിഴഞ്ഞ് ....