നാം കേട്ട മൌനങ്ങൾ

മൌനത്താലാഴി

മൌനത്താലരണ്യകം

മൌനത്താലീപ്പാതകൾ

മൌനത്താലീനിമിഷസർവ്വവും

മൌനത്താൽ നാമിരുവരും

നോക്കുകൊണ്ട് നോവിച്ചുനോവിച്ച്

ചുംബനത്താലലിഞ്ഞലിഞ്ഞ്,

സമയങ്ങൾക്കും സാഗരങ്ങൾക്കുമപ്പുറം

വല്ലികൾപൂത്തുന്മാദവനികളിൽ‌പ്പടർന്നുപടർന്ന്

മേഘവാനങ്ങളിൽമഴപോലെയൂർന്നുപെയ്ത്

ഈ കടലും കാടും നാം നടന്ന വഴികളും

പ്രണയിച്ചകാലവും, അതിനപ്പുറവും കടന്ന്

മഴപെയ്തനാട്ടിലാണ്

നമ്മുടെ ശബ്ദങ്ങൾ കേട്ടത്.